काठमाडौँ । ललिता निवास जग्गा हिनामिना प्रकरणमा प्रहरीले थप दुई जनालाई पक्राउ गरेको छ ।
ललिता निवास जग्गा हिनामिना प्रकरणमा जोडिएर नक्कली मोही बन्दै जग्गा हडपेको आरोपमा नेपाल प्रहरीको केन्द्रीय अनुसन्धान ब्युरो(सीआईबी) ले सोमबार दुई जनालाई पक्राउ गरेको हो ।
पक्राउ पर्नेमा सञ्जय महर्जन र सकुलानन्द महर्जन रहेका छन् । उनीहरुलाई ललितपुरको कुपण्डोलबाट पक्राउ गरिएको हाे ।
यस सँगै ललिता निवास प्रकरणमा पक्राउ पर्नेको संख्या २२ पुगेको छ ।
