काठमाडौँ । प्रहरीले १३ लाख १६ हजार नक्कली नेपाली नोटसहित बाराबाट ४ जना पक्राउ गरेको छ।
पक्राउ पर्नेमा २५ वर्षीय राजन चौधरी, १९ वर्षीय आकाश चौधरी, १९ वर्षीय मोहन कुमार साह र ४० वर्षीय मोहमद आलम रहेका छन् ।
बाराको सिम्रौनगढ नगरपालिका–९ कचोर्वा, सानो बस बरियाबाट खटिएको प्रहरीले विशेष सूचनाको आधारमा उनीहरूलाई पक्राउ गरेको थियो । सोमबार पक्राउ गरेको उनीहरूलाई आज सार्वजनिक गरेको हो ।
उनीहरूको साथबाट नक्कली नेपाली नोटसहित ना ३४ प ३५१२ र बी.आर.०६ ए.डब्लु २७५८ नम्बरको मोटरसाइकल, एक वटा साइकल समेत बरामद गरेको छ।
