काठमाडौं। चेक अनादर सम्बन्धी मुद्दामा फरार रहेका पाँच जनालाई प्रहरीले पक्राउ गरेको छ। पक्राउ पर्नेमा मकवानपुरका विकास वाइबा, बासुराम भण्डारी, कोपिला अधिकारी, मोहन गोपाली र सरोज लामिछाने रहेका छन्।
मकवानपुर जिल्ला अदालतले फरक–फरक मितिमा फैसला कार्यान्वयन गर्दै कैद र जरिवाना सजाय तोकेको थियो तर उनीहरू फरार भएका थिए।
जिल्ला प्रहरी कार्यालय मकवानपुर र मातहतका टोलीहरूले खोजतलास गरी उनीहरूलाई नियन्त्रणमा लिएको र आवश्यक कारबाहीका लागि जिल्ला अदालतमा पेश गरेको प्रहरीले जानकारी दिएको छ।
