काठमाडौँ। कुमारी बैंक लिमिटेडको पच्चीसौं वार्षिक साधारण सभा सम्पन्न भएको छ। बुधबार राजधानीको टंगालस्थित थिरबम रोडमा रहेको आम्रपाली बैंक्वेटमा सभा सम्पन्न भएको हो ।
सभाले आर्थिक वर्ष २०८१/८२ को संचालक समितिको वार्षिक प्रतिवेदनसँगै लेखापरीक्षण प्रतिवेदन, वासलात, नाफा–नोक्सान विवरण तथा अन्य वित्तीय कागजात एकमतले पारित गरेको बैंकले जनाएको छ। लगातार २४ वर्षदेखि बैंकिङ सेवा प्रदान गर्दै आएको कुमारी बैंकले देशभर ३०२ शाखा, ३१६ एटीएम, ५० एक्सटेन्सन काउन्टर तथा ४८ शाखारहित बैंकिङ इकाइमार्फत सेवा दिँदै आएको छ।
बैंकले आगामी दिनमा अझ आधुनिक, सरल र प्रभावकारी वित्तीय सेवा तथा डिजिटल समाधानमार्फत ग्राहकहरूलाई थप सुविधाजनक सेवा पुर्याउने लक्ष्य रहेको जनाएको छ।
