काठमाडौँ । सवारी साधनको चाप बढेसँगै चालु आर्थिक वर्षमा कञ्चनपुरमा चार हजार चार सय जनाले सवारी चालक अनुमति पत्र लिएका छन् ।
यातायात व्यवस्था कार्यालयका अनुसार मोटरसाइकल, स्कुटर, ट्याक्टर, जीप-कारलगायत सवारी साधनको चालक अनुमति पत्र जारी गरेर ७४ लाख राजस्व संकलन भएको छ ।
उक्त कार्यालयबाट सबैभन्दा धेरै मोटरसाइकल र स्कुटर चालकको अनुमति पत्र जारी भएको छ । गत आर्थिक वर्षमा अनुमति पत्र जारी गरेर ८७ लाख ५९ हजार राजस्व संकलन भएको थियो ।
