काठमाडौं । नेपाल स्टक एक्सचेन्ज (नेप्से) को प्रमुख कार्यकारी अधिकृत ९सिइओ० का लागि १० जनाको आवेदन परेको छ। आइतबार साँझसम्म उक्त आवेदन परेको हो ।
नेप्सेको सिइओमा पदका लागि आवेदन दिनेमा पूर्णप्रसाद आचार्य, बद्री प्रसाद प्याकुरेल, नारदकुमार लुइँटेल, युवराज दाहाल, प्रवीण अधिकारी, चूडामणि चापागाईं, विमलकुमार तिवारी, कृष्णबहादुर कार्की, हेमन्त वश्याल र मुकन्दराज जोशीले रहेका छन् ।
नेप्सेको सिइओका लागि खुलाइएको आवेदनमा गत १८ वैशाखसम्ममा पूर्णप्रसाद आचार्यको मात्रै आवेदन परेको थियो । एकजनाको मात्रै आवेदन परेपछि अर्थ मन्त्रालयले थप एक साताका लागि म्याद थपेको थियो ।
शुक्रबारसम्ममा आचार्यबाहेकको आवेदन नपरेकोमा अन्तिम समयमा आएर आइतबार १० जनाले एकैसाथ आवेदन दिएका छन् ।
