काठमाडौं । प्रतिनिधिसभा निर्वाचनअन्तर्गत प्रत्यक्षतर्फको नतिजा आइरहँदा समानुपातिक मत पनि गणना जारी छ ।
निर्वाचन आयोगका अनुसार हालसम्म २१ लाख ३९ हजार ५४३ मत गणना सकिँदा रास्वपाले झण्डै ५० प्रतिशत प्राप्त गरेको छ । ११ लाख १ हजार ६२५ मत ल्याएर रास्वपा अग्र स्थानमा रहँदा ३ लाख ६२ हजार ४२० मतसहित कांग्रेस दोस्रो छ ।
०७९ को चुनावमा२८ लाख ४५ हजार ६४१ मत ल्याएर पहिलो बनेको एमाले २ लाख ९१ हजार १८१ मतसहित तेस्रो स्थानमा दौडिरहेको छ । त्यस्तै नेपाली कम्युनिष्ट पार्टीले १ लाख २७ हजार १९१, राप्रपाले ७८ हजार ३२४ मत प्राप्त गरेका छन् ।
हर्क साम्पाङ नेतृत्वको श्रम संस्कृति पार्टी ४५ हजार ९४ मतसहित छैटौँ स्थानमा छ ।
