काठमाडौं। प्रधानमन्त्री वालेन्द्र शाहले संसदमा प्रतिनिधित्व गर्ने सबै राजनीतिक दलका समानुपातिक सांसदहरूसँग अन्तरक्रिया गर्ने तयारी गरेका छन् ।
प्रधानमन्त्रीको सचिवालयका अनुसार उक्त छलफल कार्यक्रम आज बुधबार दिउँसो १२ बजे प्रधानमन्त्री तथा मन्त्रिपरिषद्को कार्यालय, सिंहदरबारमा आयोजना गरिनेछ । कार्यक्रममा सहभागी सांसदहरूले आफ्नो आफ्नो क्लस्टरका समस्या, चुनौती र सम्भावित समाधानबारे धारणा राख्नेछन् ।
यस अन्तरक्रियाबाट जनप्रतिनिधि र कार्यपालिकाबीच प्रत्यक्ष संवाद विस्तार गर्दै नीति निर्माण तथा कार्यान्वयन प्रक्रियालाई अझ प्रभावकारी बनाउने लक्ष्य राखिएको सचिवालयले जानकारी दिएको छ।
