काठमाडौं । विजय लघुवित्त वित्तीय संस्था लिमिटेडका प्रमुख कार्यकारी अधिकृत (सीईओ) वसन्त राज लम्सालले पदबाट राजीनामा दिइएपछि कामु सीईओको जिम्मेवारी सरोज घिमिरेलाई दिइएको छ ।
लम्सालले वैशाख २८ गते पेश गरेको राजीनामा संस्थाको वैशाख ३१ गते बसेको सञ्चालक समितिको बैठकले स्वीकृत गर्ने निर्णय गरेको हो । उनको राजीनामा जेठ ८ गतेदेखि लागू हुने गरी स्वीकृत भएको हो ।
यस्तै, सञ्चालक समितिको सोही बैठकले अर्को व्यवस्था नभएसम्मका लागि संस्थाको दैनिक कार्य सञ्चालन गर्न वरिष्ठ नायव प्रमुख कार्यकारी अधिकृत घिमिरेलाई कायम मुकायम (कामु)प्रमुख कार्यकारी अधिकृतको जिम्मेवारी प्रदान गर्ने निर्णय गरेको जनाइएको छ ।
