काठमाडौं । आगामी आर्थिक वर्षको बजेट सूचना प्रविधि क्षेत्रमा सकारात्मक रहेको विज्ञहरूले जनाएका छन् । करको व्यवस्थामा भएको पुनरावलोकनले प्रोत्साहन मिलेको उनीहरूको भनाई छ।
सूचना प्रविधि क्षेत्रमा कार्यरत जनशक्तिले प्राप्त गर्ने स्वेट इक्विटीको रकमलाई करयोग्य आय गणनामा शतप्रतिशत छुट गराएकोमा कर्मचारी र कम्पनीलाई सहज हुने उनी बताउँछन् । उनले भने,’स्वेट इक्विटी सम्बोधन: पहिला करका हिसाबले अस्पष्ट रहेको र अहिलेको बजेटले व्यवस्थित गरेको छ ।’
रिमोट वर्क र विदेशी लगानी सहजीकरणमा सरकारको सकारात्मक नीतिले थप ऊर्जा दिएको उनी बताउँछन् ।
सूचना तथा सञ्चार मन्त्रालयका लागि आगामी आर्थिक वर्ष २०८३/०८४ का लागि ५ अर्ब ९३ करोड रुपैयाँ विनियोजन गरिएको छ ।
अर्थमन्त्री डा.स्वर्णिम वाग्लेले छापा तथा विद्युतीय संचारमाध्यमबाट हुने विज्ञापनका लागि ३३ करोड विनियोजन गरेको जनाएका छन्। उनले भने,’डिजिटल सार्वजनिक पूर्वाधार विकासमा लगानी वृद्धि गर्ने र नेपाल राष्ट्र बैंकको सुपरिवेक्षणमा फिनटेक मार्केटप्लेस स्थापना गर्नेछौँ।’
उनले बजेट मार्फत नेपाललाई एआईको युगमा आत्मविश्वासका साथ प्रवेश गराउन विशेष पहल सुरु गरेको र काठमाडौंको स्यूचाटारमा देशकै पहिलो ‘सार्वभौम एआई कम्प्युट केन्द्र’ स्थापना गर्ने उल्लेख गरेका छन् ।
उनले हजारौँ एआई प्रोसेसिङ युनिट खरिद गरी एआई उद्यमी र स्टार्टअपलाई सहुलियतपूर्ण कम्प्युट क्षमता उपलब्ध गराउने र स्वच्छ जलविद्युत ऊर्जालाई उच्च मूल्यको सेवामा रूपान्तरण गर्ने प्रस्ताव गरेको गरेको बताए । नेपालको विद्यमान ऊर्जा शक्तिलाई कृत्रिम बुद्धिमत्ताको विकासमा प्रयोग गरी सीपयुक्त रोजगारी, डिजिटल निर्यात र एआईमा आधारित आर्थिक रूपान्तरणको जग निर्माण हुने विश्वास गरेको उल्लेख गरे ।
आगामी आर्थिक वर्ष एआईको क्षेत्रमा अन्तर्राष्ट्रिय ख्याति बनाइरहेका कम्तीमा १५ जना नेपाली शोधकर्तालाई प्रतिष्ठित फेलोसिप प्रदान गरी नेपाल फर्केर योगदान गर्न र एआईको युगमा महत्त्वपूर्ण भूमिका हुने गणित लगायतका शैक्षिक विधालाई उच्च प्राथमिकता दिने बजेटमार्फत उल्लेख गरेका छन् ।
