काठमाडौँ । राजस्व अनुसन्धान विभागको महानिर्देशकमा चक्रबहादुर बुढा नियुक्त भएका छन् । सोही पदमा यसअघि नवराज ढुंगाना थिए।
विभागले कोटिभीटी कम्पनीको राजस्व चुहावट सम्बन्धमा उच्च अदालत पाटनमा मुद्दा दायर गरेपछि ढुंगाना विवादित भएका थिए।
यसअघि संस्कृति, पर्यटन तथा नागरिक उड्डयन मन्त्रालय मातहतको पर्यटन विभागमा कार्यरत महानिर्देशक चक्रबहादुर बुढालाई यही वैशाख १४ गते प्रधानमन्त्री कार्यालयमा भित्र्याइएको हो।
अहिले उनलाई राजस्व अनुसन्धान विभागको महानिर्देशक बनाएर ढुंगानालाई चाहिँ प्रधानमन्त्रीको कार्यालय पठाइएको हो। राजस्व अनुसन्धान विभाग प्रधानमन्त्री तथा मन्त्रिपरिषद् कार्यालय मातहतको निकाय हो।
