काठमाडौं । चालु आर्थिक वर्षको ११ महिनासम्ममा निर्जिवन बीमा कम्पनीहरुले ३६ अर्ब ३२ करोड रुपैयाँ कुल बीमाशुल्क आर्जन गरेको छ ।
यस अवधिमा २६ लाख ८ हजार बीमालेख वापत बीमा कम्पनीहरुले ३६ अर्ब ३२ करोड ९९ हजार रुपैयाँ बराबरको कुल बीमाशुल्क आर्जन गर्न सफल भएको हो ।
नेपाल बीमा प्राधिकरणले आज सार्वजनिक गरेको तथ्यांक अनुसार यसअवधिमा सबैभन्दा धेरै शिखर इन्स्योरेन्स कम्पनीले बीमाशुल्क आर्जन गर्न सफल भएको छ । कम्पनीले यसअवधिसम्ममा कम्पनीले ४ अर्ब ८९ करोड रुपैयाँ कुल बीमाशुल्क आर्जन गरेको हो ।
त्यस्तैगरी, ४ अर्ब २९ करोड रुपैयाँ कुल बीमाशुल्क आर्जन सहित सगरमाथा इन्स्योरेन्स कम्पनी दोस्रो स्थानमा रहेको छ। तेस्रोमा सिद्धार्थ प्रिमियम कम्पनी रहेको छ। कम्पनीले यस अवधिसम्ममा ३ अर्ब ६६ करोड रुपैयाँ कुल बीमाशुल्क आर्जन गर्न सफल भएको छ ।
