काठमाडौँ । लघु निर्जीवन बीमा कम्पनीले चालु आर्थिक वर्षको ५ महिनाको अवधिमा मंसिरसम्म ३४ करोड रुपैयाँ बराबरीको व्यापार गर्न सफल भएको छ ।
आज नेपाल बीमा प्राधिकरणले सार्वजनिक गरेको तथ्यांक अनुसार मंसिर मसान्तसम्ममा ४ वटा लघु निर्जीवन बीमा कम्पनीले १ लाख ३३ हजार ३८५ वटा बीमालेख जारी गरेर ३३ करोड ८८ लाख ७४ हजार रुपैयाँ कुल बीमाशुल्क आर्जन गरेको छ ।
यस अवधिमा सर्वाधिक व्यापार भित्र्याउने कम्पनीहरूमा नेपाल माइक्रो अगाडि रहेको छ। कम्पनीले ३९ हजार ८६६ वटा बीमालेख बिक्री गरेर १० करोड १२ लाख ४६ हजार रुपैयाँ कुल बीमाशुल्क आर्जन गरेको छ।
त्यस्तै, मंसिर अन्तिमसम्ममा प्रोटेक्टिभ माइक्रोले ३० हजार ३६१ वटा बीमालेख बिक्री गरेर ८ करोड ३१ लाख ७५ हजार रुपैयाँ कुल बीमाशुल्क आर्जन गरेको छ।
साथै, उक्त अवधिमा स्टार माइक्रोले ३५ हजार १०० वटा बीमालेख बिक्री गरेर ७ करोड ७२ लाख ७६ हजार रुपैयाँ र ट्रस्ट माइक्रोले २८ हजार ५८ वटा बीमालेख बिक्री गरेर ७ करोड ७१ लाख ७७ हजार रुपैयाँ कुल बीमाशुल्क आर्जन गरेको बीमा प्राधिकरणले सार्वजनिक गरेको तथ्यांकमा उल्लेख छ ।
