काठमाडौं। एभरेष्ट कलर लिमिटेडले वैशाख १६ गतेदेखि पहिलो चरणमा वैदेशिक रोजगारीमा रहेका नेपाली नागरिकलाई लक्षित गरी प्राथमिक शेयर (आईपीओ) बिक्री खुला गर्ने तयारी गरेको छ।
कम्पनीले ३० करोड रुपैयाँको जारी पुँजीमध्ये १६.३३ प्रतिशत बराबर अर्थात् ७ करोड ९० लाख रुपैयाँ बराबरको आईपीओ निष्कासन गर्न अनुमति पाएको हो। प्रतिकित्ता १०० रुपैयाँ अंकित दरमा कुल ७ लाख ९० हजार कित्ता शेयर सार्वजनिक गरिनेछ।
स्वीकृत कुल शेयरमध्ये १० प्रतिशत हिस्सा, अर्थात् ७९ हजार कित्ता शेयर, श्रम स्वीकृति लिएर विदेशमा कार्यरत नेपालीहरूका लागि छुट्याइएको कम्पनीले जनाएको छ।
