काठमाडौं । समता घरेलु लघुवित्त वित्तीय संस्थाले निष्कासन गरेको सार्वजनिक निष्कासन ९एफपीओ० मा आवेदन दिने आज मंगलबार (कात्तिक २० गते) अन्तिम दिन हो ।
आज कार्यालय समयभित्रमात्रै यसमा आवेदन दिन सकिनेछ । लघुवित्तले कात्तिक १२ गतेदेखि प्रतिकित्ता १०० रुपैयाँमा ३ लाख ५० हजार ९०४.२५ कित्ता एफपीओ बिक्रीमा ल्याएको हो ।
सीडीएस एन्ड क्लियरिङ लिमिटेडका अनुसार यसमा कात्तिक १९ गते साँझ ५ः०६ बजेसम्ममा १ अर्ब ७७ करोड २३ लाख २२ हजार रुपैयाँ बराबरको आवेदन परेको छ । जसमा ११ लाख ७१ हजार ४६५ जना आवेदकहरुले १ करोड ७७ लाख २३ हजार २२० कित्ताका लागि आवेदन दिएका हुन् ।
बैंक तथा वित्तीय संस्था सम्बन्धी ऐन २०७३ को दफा ९ बमोजिम सर्वसाधारणको पुँजी संरचना ३० प्रतिशत कायम गर्न लघुवित्तले एफपीओ जारी गरेको हो । यसमा न्यूनतम १० कित्तादेखि १ हजार कित्तासम्म आवेदन दिन सकिनेछ । सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सकिनेछ । कम्पनीको सेयर निष्कासन तथा बिक्री प्रबन्धक मुक्तिनाथ क्यापिटल रहेको छ ।
