काठमाण्डौ । सातोका अन्तिम कारोबारका दिन शुक्रवार नेपाली बजारमा सुनको मूल्यले नयाँ रेकर्ड कायम गरेको छ । आज सुनको मूल्य प्रतितोला १४ सय रुपैयाँले बढ्दै हालसम्मकै उच्च बिन्दुमा पुगेको हो ।
आज सुनको मूल्य प्रतितोला १ लाख ७६ हजार २ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ। यसअघि गत चैत ६ गते ससुनको मूल्यले रेकर्ड बनाएको थियो ।
त्यसदिन सुनको मूल्य ८ सय रुपैयाँले बढ्दै प्रतितोला १ लाख ७६ हजार रुपैयाँ कायम भएको थियो । यस्तै आज सुनसँगै चाँदीको मूल्य पनि बढेको छ । महासंघका अनुसार आज चाँदीको मूल्य २० रुपैयाँले बढ्दै प्रतितोला २ हजार ४० रुपैयाँ कायम भएको छ ।
