काठमाडौं। भूगोल इनर्जि डेभलपमेन्ट कम्पनी लिमिटेड शतप्रतिशत हकप्रद शेयर निष्कासन गर्ने लाइनमा रहेको छ।
साउन ५ गते बसेको कम्पनीको सञ्चालक समितिको बैठकले शतप्रतिशत हकप्रद शेयर निष्कासन गर्ने प्रस्ताव साउन २२ गते विशेष साधारणसभाबाट पारित गर्ने निर्णय गरेको हो ।
काठमाडौंको पुरानो बानेश्वरस्थित काजीको किचनमा विहान ९ बजे सभा शुरु हुनेछ । सभाले शतप्रतिशत हकप्रद शेयर निष्कासन गर्ने प्रस्ताव पारित गर्दै त्यसको लागि सम्पूर्ण जिम्मेवारी सञ्चालक समितिलाई दिने निर्णय गर्नेछ ।
हाल कम्पनीको चुक्तापूँजी ५४ करोड ४० लाख ५३ हजार रुपैयाँ छ । सोही पूँजीका आधारमा शतप्रतिशत हकप्रद शेयर निष्कासन गर्ने तयारी कम्पनीले गरेको हो ।
विशेष साधारणसभा प्रयोजनका लागि कम्पनीले साउन १४ गते एक दिन बुक क्लोज गर्ने भएको छ । बुक क्लोजको आधारमा साउन १३ गतेसम्म कायम शेयरधनीहरले मात्र सभामा भाग लिन सक्नेछन् ।
