काठमाडौं । नेपाल स्टक एक्सचेञ्ज (नेप्से)मा तीन कम्पनीका बोनस सेयर सूचीकरण गरिएको छ। शाइन रेसुंगा डेभलपमेन्ट बैंक, एनआरएन इन्फ्रास्ट्रक्चर र युनाइटेड इदी मर्दी आरबी हाइड्रोपावरका सेयर सूचीकृत भएका हुन्।
शाइन रेसुंगा डेभलपमेन्ट बैंकले ५ प्रतिशत बोनसअन्तर्गत १४ लाख ६२ हजार ७१० कित्ता सेयर नेप्सेमा दर्ता गराएको छ।
त्यसैगरी, एनआरएन इन्फ्रास्ट्रक्चरको ४० प्रतिशत बोनस बराबर ५१ लाख ३७ हजार ४८९ कित्ता सेयर सूचीकृत गरिएको छ।
युनाइटेड इदी मर्दी आरबी हाइड्रोपावरले ५ प्रतिशत बोनसअनुसार २ लाख ३० हजार ४१२ कित्ता सेयर सूचीकरण गराएको छ। यी सेयर आजबाटै दोस्रो बजारमा किनबेच गर्न सकिनेछ।
