काठमाडौं । स्थानीय बजारमा आज सुन र चाँदीको मूल्यमा गिरावट आएको छ। नेपाल सुनचाँदी व्यवसायी महासंघ का अनुसार अघिल्लो दिनको तुलनामा सुनको मूल्य प्रतितोला ४ हजार रुपैयाँले घट्दै २ लाख ९८ हजार ५ सय रुपैयाँमा झरेको छ।
अघिल्लो कारोबार दिन सुन प्रतितोला ३ लाख २ हजार ५ सय रुपैयाँमा कारोबार भएको थियो। त्यस्तै, १० ग्राम सुनको मूल्य आज २ लाख ५५ हजार ९१५ रुपैयाँ निर्धारण गरिएको छ।
चाँदीतर्फ पनि मूल्यमा कमी देखिएको छ। चाँदीको भाउ ३५५ रुपैयाँले घटेर प्रतितोला ५ हजार ३९० रुपैयाँ कायम भएको छ।
