काठमाडौं । सेयर बजारमा घट्दो प्रवृत्ति मंगलबार पनि जारी रह्यो। नेपाल स्टक एक्सचेञ्ज (नेप्से) परिसूचक ६.५१ अंकले ओरालो लाग्दै २७२४.३९ विन्दुमा झरेको छ।
यस दिन कुल ७८ लाख १६ हजार कित्ता सेयर किनबेच हुँदा कारोबार रकम ३ अर्ब ८ करोड ७७ लाख रुपैयाँ पुगेको छ। बजारमा ११३ कम्पनीका सेयर मूल्य बढेका भए पनि १४५ कम्पनीमा गिरावट देखिएको छ भने १२ कम्पनीको मूल्य स्थिर रह्यो।
कारोबार रकमका आधारमा सिटी होटल अगाडि रह्यो, जसको २३ करोड ५३ लाख रुपैयाँभन्दा बढीको सेयर किनबेच भयो। त्यस्तै, साहस ऊर्जा, आँखुखोला जलविद्युत, कर्पोरेट डेभलपमेन्ट बैंक र एसवाई प्यानलमा पनि उल्लेख्य कारोबार भएको छ।
