काठमाडौं । सरकारले कर्मचारीको तलब वृद्धि गरेको छ । आगामी आर्थिक वर्षको बजेटमार्फत सुरु स्केलमा १० प्रतिशतले तलब बढाइएको छ ।
अर्थमन्त्री डा. स्वर्णिम वाग्लेले पछिल्ला चार वर्षदेखि तलब समायोजन नभएकाले हालको महँगी भत्ता समावेश गर्दै तलब संरचना पुनरावलोकन गरिएको जानकारी दिए ।
उनका अनुसार नयाँ तलबमान अनुसार कार्यसम्पादनका आधारमा मासिक १० प्रतिशत प्रोत्साहन भत्ता समेत लागू गरिनेछ ।
सरकारका अनुसार समग्रमा करिब २१ प्रतिशतसम्म तलब वृद्धि हुने र ग्रेडसहित न्यूनतम तलब करिब ४० हजारदेखि एक लाख रुपैयाँभन्दा माथिसम्म पुग्नेछ ।
