काठमाडौं । नेपाल बीमा प्राधिकरणका ५ जना निर्देशकहरुको जिम्मेवारी हेरफेर गरिएको छ ।
प्राधिकरणका कार्यकारी निर्देशक सुशीलदेव सुवेदीको सिफारिसमा अध्यक्ष चन्द्रकला पौडेलले ५ जना निर्देशकको जिम्मेवारी हेरफेर गरेको हो।
प्राधिकरणका सूचना अधिकारी पूर्णबहादुर थापाका अनुसार निर्देशक कुन्दन सापकोटालाई सुपरिवेक्षण महाशाखा, पूजन ढुंगेल अधिकारीलाई व्यवस्थापन महाशाखा, ध्रुव तिमिल्सिनालाई अनुसन्धान महाशाखा, कमलप्रसाद रेग्मीलाई नियमन महाशाखा र शाम्भाराज लामिछानेलाई कानुन महाशाखाको जिम्मेवारी दिइएको छ।
यसअघि निर्देशक कुन्दन सापकोटा व्यवस्थापन महाशाखा, पूजन ढुंगेल अधिकारी अनुसन्धान महाशाखा, धु्रव तिमिल्सिना सुपरिवेक्षण महाशाखा, कमलप्रसाद रेग्मी कानुन महाशाखा र शाम्भाराज लामिछाने नियमन महाशाखा प्रमुख थिए।
