काठमाडौँ। नेपाल भ्रमणमा रहेका कतारका राजा शेख तमिम बिन हमाद अल थानी र प्रधानमन्त्री पुष्पकमल दाहाल प्रचण्डबिच भेटवार्ता सुरु भएको छ ।
कतारका राजा बसेकै होटल सोल्टीमा दुई नेताबिच वान टु वान वार्ता भइरहेको छ । भेटवार्ता लगत्तै द्विपक्षीय सम्झौता र समझदारी पत्रमा हस्ताक्षर हुनेछ ।
हस्ताक्षर कार्यक्रममा दुवै नेता सहभागी हुनेछन् । हस्ताक्षर कार्यक्रमपछि प्रधानमन्त्री प्रचण्डले होटल द्वारिकामा आयोजना गरेको दिवा भोजमा कतारको टोली सहभागी हुनेछ ।
त्यस लगत्तै दिवा भोज कतारी राजा शेख नेतृत्वको टोली स्वदेश फिर्ताका लागि त्रिभुवन अन्तर्राष्ट्रिय विमानस्थल जानेछ । यसअघि थानीले मङ्गलवार साँझ राष्ट्रपति पौडेलसँग शीतल निवासमा भेट गरिसकेका छन् ।
कतारी राजाको सम्मानमा राष्ट्रपति पौडेलले रात्रि भोज आयोजना गरेका थिए । कतारी राजा थानी दिउँसो पौने १ बजे स्वदेश प्रस्थानका लागि त्रिभुवन अन्तर्राष्ट्रिय विमानस्थल पुग्ने कार्यपालिका छ । उनको बिदाईका निमित्त राष्ट्रपति रामचन्द्र पौड्याल आफै विमानस्थल जाने भएका छन् ।
