काठमाडौं । सुनको मूल्यमा ह्वात्तै गिरावट भएको छ । आज एकैदिनमा सुनको भाउ तोलामा २७ सय घटेको नेपाल सुनचाँदी व्यवसायी महासंघले जनाएको हो । बुधबार सुनको भाउ प्रतितोला १ लाख ३४ हजार ५ सय रुपैयाँमा ओर्लिएको अवस्था छ ।
हिजो दिन प्रतितोला १ लाख ३७ हजार २ सय रुपैयाँमा कारोबार भएको थियो भने अन्तर्राष्ट्रिय बजारमा मूल्य करिब २ प्रतिशत घटेपछि नेपाली बजारमा सोअनुसार मूल्य समायोजन गरिएको थियो।
चाँदीको मूल्य पनि बुधबार घटेर हिजोको तुलनामा १ हजार ६५० रुपैयाँ रहेको चाँदी आज १ हजार ६३० रुपैयाँ पुगेको छ।
