इजाजतपत्र नलिई घरजग्गा कारोबार गर्नेलाई जरिवाना : यी ३६ कम्पनीले पाए मान्यता

काठमाडौं । घरजग्गा कारोबारलाई व्यवस्थित, पारदर्शी र विश्वसनीय बनाउन सरकारले इजाजतपत्र प्रणाली कडाइका साथ लागू गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गत भूमि व्यवस्थापन तथा अभिलेख विभागले जारी गरेको सार्वजनिक सूचनामा अबदेखि वैध अनुमतिपत्र प्राप्त कम्पनी वा व्यक्तिलाई मात्र घरजग्गा किनबेच, दलाली र मध्यस्थता गर्ने अधिकार रहने स्पष्ट पारिएको छ।

इजाजतपत्र नलिई घरजग्गा कारोबार सञ्चालन गर्ने, विज्ञापन गर्ने वा सेवाग्राहीसँग आर्थिक लेनदेन गर्ने कार्य पूर्णरूपमा गैरकानुनी हुने सूचनामा उल्लेख छ। यसप्रकारका कार्यमा संलग्न व्यक्ति वा संस्थामाथि प्रचलित कानून अनुसार जरिवाना, दण्ड तथा अन्य कानुनी कारबाही गरिने चेतावनी पनि दिइएको छ।

विभागले पछिल्लो समय घरजग्गा कारोबारको नाममा ठगी, दोहोरो बिक्री, अवैध अग्रिम असुली र कागजात दुरुपयोगका घटना बढ्दै गएको जनाएको छ। यसलाई नियन्त्रण गर्ने र सेवाग्राहीको हित संरक्षण गर्ने उद्देश्यले इजाजतपत्र प्रणाली प्रभावकारी रूपमा कार्यान्वयनमा ल्याइएको हो। अब घरजग्गा कारोबार गर्न चाहने कम्पनी वा फर्मले तोकिएको प्रक्रिया पूरा गरी इजाजतपत्र लिनुपर्नेछ।

हालसम्म घरजग्गा कारोबारका लागि विभागबाट अनुमति पत्र प्राप्त गरेका कुल ३६ कम्पनी निम्नानुसार छन् ।