काठमाडौं। प्रतिनिधिसभा सदस्य निर्वाचनअन्तर्गत देशभर जारी मतगणनाको पछिल्लो परिणामअनुसार राष्ट्रिय स्वतन्त्र पार्टी (रास्वपा) ले उल्लेख्य अग्रता कायम गरेको देखिएको छ।
निर्वाचन आयोग नेपाल का अनुसार मध्याह्न १२ बजेसम्म गणना भइरहेका ५४ निर्वाचन क्षेत्रमध्ये ५१ स्थानमा रास्वपाका उम्मेदवारहरू अग्रस्थानमा रहेका छन्। प्रारम्भिक मतगणनामा देखिएको यो परिणामले यस पटकको निर्वाचनमा रास्वपाको उपस्थिति बलियो देखिएको विश्लेषण गरिएको छ।
त्यसैगरी, नेपाली कांग्रेस का उम्मेदवारहरू ७ स्थानमा अगाडि रहेका छन् भने नेकपा एमाले का उम्मेदवारहरू ४ स्थानमा अग्रता कायम गर्न सफल भएका छन्। यसैबीच नेपाल कम्युनिष्ट पार्टी (नेकपा) का उम्मेदवारहरू ३ स्थानमा अग्रस्थानमा रहेका छन्।
त्यस्तै राष्ट्रिय प्रजातन्त्र पार्टी (राप्रपा) र श्रम संस्कृति पार्टी का उम्मेदवारहरू पनि एक–एक निर्वाचन क्षेत्रमा अगाडि देखिएका छन्। यसअघि काठमाडौं–१ मा भने रास्वपाले जित हासिल गरिसकेको छ। उक्त क्षेत्रमा रास्वपाका उम्मेदवारले मतगणनाको अन्तिम परिणामसँगै विजयी घोषणा भइसकेको निर्वाचन आयोगले जनाएको छ।
देशभरका विभिन्न जिल्लामा मतगणना अझै जारी रहेको छ। धेरै ठाउँमा प्रारम्भिक चरणको मतगणना मात्रै भएकाले आगामी चरणमा मतपरिणाममा परिवर्तन आउने सम्भावना रहेको निर्वाचन अधिकारीहरू बताउँछन्।
