काठमाडौँ। नेपाली बजारमा सुनको मूल्य आज ह्वात्तै बढेको छ। केही दिनदेखि लगातार घट्दो क्रममा रहेको सुनको भाउ आज एकैदिन प्रतितोला १४ हजार ६०० रुपैयाँले बढेको हो।
नेपाल सुनचाँदी व्यवसायी महासंघका अनुसार आजका लागि सुनको मूल्य प्रतितोला २ लाख ८८ हजार ५०० रुपैयाँ निर्धारण गरिएको छ। हिजो सुन प्रतितोला २ लाख ७३ हजार ९०० रुपैयाँमा कारोबार भइरहेको थियो।
सुनसँगै चाँदीको मूल्यमा पनि वृद्धि देखिएको छ। महासंघका अनुसार चाँदीको मूल्य प्रतितोला ४१५ रुपैयाँले बढेर ४ हजार ९२० रुपैयाँ पुगेको छ। मंगलबार चाँदीको मूल्य प्रतितोला ४ हजार ५०५ रुपैयाँ कायम रहेको थियो।
