काठमाडौं। साताको अन्तिम दिन सेयर बजार सामान्य अंकले बढेको छ। बिहीबार नेप्से परिसूचक ५.८२ अंकले बढेर २,७८२.१८ विन्दुमा पुगेको छ।
आज कुल २ करोड १३ लाख १८ हजार कित्ता सेयर ८ अर्ब २१ करोड ९७ लाख रुपैयाँमा खरिदबिक्री भएका छन्। आज ९८ वटा कम्पनीको सेयर मूल्य बढ्दा, १५८ कम्पनीको मूल्य घटेको छ र १२ कम्पनीको मूल्य स्थिर रहको छ।
केही कम्पनीले सर्किट हिट गरेका छन् । रिलायन्स स्पिनिङ मिल्स, रिज लाइन इनर्जी, सूर्यकुण्ड हाइड्रो इलेक्ट्रिकले १० प्रतिशत, भुजुङ हाइड्रोपावर र सुपर खुदी हाइड्रोपावरले ९.९९ प्रतिशत, होटल फरेष्ट इन्नले ९.९८ प्रतिशतले सर्किटमा पुगेका छन्।
आजको कारोबारमा एसवाई प्यानल सबैभन्दा सक्रिय देखिएको थियो । उक्त कम्पनीकोे ३५ करोड ७० लाख रुपैयाँभन्दा बढीको कारोबार भएको छ। अन्य प्रमुख कारोबारमा ङादी ग्रुप पावर, हिमालयन रि इन्स्योरेन्स, एनआरएन इन्फ्रास्ट्रक्चर र एपी पावर रहेको छन्।
