काठमाडौं । सरकारले आगामी तीन वर्षभित्र देशका ९० प्रतिशत नागरिकलाई स्वास्थ्य बीमाको दायरामा ल्याउने लक्ष्य लिएको छ ।
आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री स्वर्णिम वाग्लेले स्वास्थ्य बीमा कार्यक्रमलाई व्यापक पुनर्संरचना गरिने बताएका हुन् ।
उनका अनुसार हाल छरिएर रहेका सामाजिक स्वास्थ्य सुरक्षा कार्यक्रम तथा स्वास्थ्यसम्बन्धी दायित्वलाई एकीकृत गरी एकीकृत भुक्तानी प्रणाली लागू गरिनेछ ।
अर्थमन्त्री वाग्लेले स्वास्थ्य बीमाको विस्तारसँगै नागरिकको व्यक्तिगत उपचार खर्च उल्लेखनीय रूपमा घट्ने अपेक्षा गरिएको पनि बताए ।
