काठमाडौं । सर्वोच्च अदालतले प्रहरी हिरासतमा रहेका व्यवसायी दीपक भट्टलाई अदालतमा उपस्थित गराउन आदेश दिएको छ ।
भट्टकी पत्नी आयुष्मा नेपालले दायर गरेको बन्दी प्रत्यक्षीकरण सम्बन्धी रिटमाथि सुनुवाइ गर्दै न्यायाधीश अब्दुल अजीज मुसलमानको एकल इजलासले कारण देखाउ आदेश जारी गरेको हो ।
सर्वोच्चले सोही क्रममा भट्टलाई अदालतमा उपस्थित गराउनसमेत निर्देशन दिएको छ ।
भट्टलाई चैत १९ गते सम्पत्ति शुद्धीकरण सम्बन्धी आरोपमा पक्राउ गरिएको थियो ।
