काठमाडौँ । सरकारले आगामी आर्थिक वर्ष २०८३/०८४ को बजेट जेठ १५ गते अपराह्न ४ बजे संघीय संसद्को संयुक्त बैठकमा प्रस्तुत गर्ने तयारी गरेको छ।
डा. स्वर्णिम वाग्लेले प्रतिनिधिसभा र राष्ट्रिय सभाको संयुक्त बैठकमा बजेट सार्वजनिक गर्ने कार्यक्रम तय गरिएको हो। यसबारे जानकारी दिँदै प्रतिनिधिसभाका सभामुख डोलप्रसाद अर्याल र राष्ट्रिय सभाका अध्यक्ष नारायण प्रसाद दाहालले बैठक समयअघि नै सांसदहरूलाई उपस्थित हुन आग्रह गरेका छन्।
उनीहरूले सांसदहरूलाई बजेट प्रस्तुत हुनुभन्दा १५ मिनेटअघि, अर्थात् ३:४५ बजेभित्रै बैठक हलमा प्रवेश गरी आसन ग्रहण गर्न निर्देशन दिएका छन्।
त्यसैदिन अर्थमन्त्री वाग्लेले दुवै सदनको छुट्टाछुट्टै बैठकमा पनि बजेट टेबुल गर्ने कार्यतालिका रहेको छ।
