काठमाडौँ । नेपाली बजारमा आज सुनको मूल्यले नयाँ रेकर्ड बनाएको अवस्था छ । आइतबार सुन हालसम्मकै उच्च मूल्यमा पुगेको हो ।

सुन आज तोलामा एक हजार ६०० रुपैयाँले बढेको अवस्था छ । साताको पहिलो दिन छापावाला सुनको मूल्य प्रतितोला एक लाख ४० हजार ९०० रुपैयाँ र तेजावी सुन प्रतितोला एक लाख ४० हजार १५० रुपैयाँमा कारोबार भइरहेको सुनचाँदी महासंघले जनाएको छ।

त्यस्तै, चाँदीको पनि ११० रुपैयाँले बढेको छ । साथै, चाँदी तोलामा १ हजार ९ सय १० रुपैयाँमा कारोबार भइरहेको छ ।