काठमाडौँ । भैरहवास्थित गौतम बुद्ध अन्तर्राष्ट्रिय विमानस्थलबाट उडान भर्दै आएको कतार एयरवेजको दुई साता नबित्दै उडान स्थगित भएको छ ।
कतार एयरवेजले गत कार्तिक २७ गतेदेखि भैरहवामा वाइडवडी विमान एयरबस ३३० मार्फत दोहा–भैरहवा–काठमाडौँ–दोहा रुटमा दैनिक व्यावसायिक उडान गर्दै आएको थियो ।
कतार एयरवेजले आइतबारदेखि नयाँ उडानका लागि अनुमति नलिएको गौतम बुद्ध विमानस्थल स्रोतको भनाई छ। नोभेम्बर ३० सम्म अनुमति मागेको भएपनि त्यसपश्चात् के गर्छ भन्ने विषयबारे केही जानकारी नआएको विमानस्थलका सूचना अधिकारी विनोदकुमार रावतले बताए ।
रावतले छोटो कुराकानी गर्दै भने उडानका लागि प्रस्ताव पेस गर्न इमेलमार्फत पत्राचार गरिएकोमा एयरवेजले उडानका लागि कुनै प्रस्ताव नगरिएको उनको भनाई छ।
कार्तिक २७ गतेदेखि मंसिर मंसिर ९ गतेसम्म कतार एयरवेजले भैरहवाबाट ३८ वटा उडान–अवतरण गरेको गरेको छ । भैरहवा विमानस्थलबाट नेपाल एयरलाइन्स, जजिरा एयरवेज, फ्लाई दुबई र थाई एयर एसियाले नियमित उडान भर्दै आएका छन् ।
