काठमाडौँ। पूर्व राजा ज्ञानेन्द्र शाहकाको फिर्ती सवारी हुने भएपछि सुरक्षालाई ख्याल गर्दै दुई पाङ्ग्रे तथा अत्यावश्यक बाहेकका सबै सवारी विमानस्थल प्रवेशमा रोक लगाइएको छ ।
पूर्व राजाका समर्थकहरूको प्रदर्शनलाई लक्षित गर्दै त्रिभुवन अन्तर्राष्ट्रिय प्रवेशमा कडाइ गरिएको हो । प्रदर्शनकारीको भिडमा कारण विमानस्थलदेखि तीन कुने र चाबहिल आसपाससम्म गाडी चल्न सकेको छैन । अत्यधिक जामको कारण वैकल्पिक बाटो अपनाउन प्रहरीले आग्रह गरेको छ ।
विदेश जाने यात्रुको हकमा टिकट भएको यात्रुलाई मात्रै प्रवेश दिइएको छ । भने आफन्त छोड्न गएका नागरिकलाई गेट बाहिरबाटै फिर्ता गरिएको छ । चक्रपथसँगै जोडिएको विमानस्थलको मुख्य गेट ९गोल्डेन गेट०मा बाक्लो संख्यामा जनपथ र सशस्त्र प्रहरी तैनाथ गरिएको छ । उनीहरूले सोधपुछ र चेकजाँचपछि मात्रै आवश्यक सवारीलाई प्रवेश गर्न दिएका छन् ।
पूर्व राजा ज्ञानेन्द्र शाह पोखराको एक हप्ता बसाइँपछि आज हवाई मार्ग हुँदै काठमाडौँ आउँदै छन् । उनलाई स्वागत गर्न राप्रपा, राप्रपा नेपाल, शिव सेना नेपाल र राजावादी विभिन्न संघसंस्थाहरु विमानस्थलको गेटसम्म पुगेका हुन् ।
उनीहरूले राष्ट्रिय झण्डा र ज्ञानेन्द्र शाहको फोटो भएको ब्यानर समेत बोकेका छन् । पूर्व राजा शाहको स्वागतका लागि भनेर भेला हुनेहरूको भिड बढ्दै गएपछि सवारी आवागमन पनि प्रभावित भएको छ ।
राजावादीहरु सडकमा उत्रिएपछि काठमाडौँको सुरक्षा प्रबन्ध चुस्त बनाइएको छ । भिड अनियन्त्रित हुन नदिन र अवाञ्छित क्रियाकलाप रोक्न सुरक्षाकर्मीहरूलाई ‘हाई अलर्ट’मा राखिएको छ ।
