काठमाडौँ । एनएमबी बैंकको प्रमुख कार्यकारी अधिकृत (सीईओ) मा गोविन्द घिमिरे नियुक्त भएका छन् । मंगलबार सुनिल केसीको कार्यकाल सकिएसँगै प्रमुख कार्यकारी अधिकृतको जिम्मेवारी घिमिरेको काँधमा आएको हो । बैंक सञ्चालक समितिको बैठकले २०८२ वैशाख १० गतेदेखि गतेदेखि लागू हुने गरी घिमिरेलाई प्रमुख कार्यकारीमा नियुक्त गरेको हो ।
गत फागुनमा नै बैंक सञ्चालक समितिले घिमिरेलाई प्रमुख कार्यकारी अधिकृत बनाउने निर्णय गरेको थियो । यसअघि घिमिरे बैंकको डेप्युटी सीईओ रहेका थिए । घिमिरेको कार्यकाल ४ वर्षको हुनेछ ।
तीन दशक भन्दा बढी बैंकिङ क्षेत्रको अनुभव हासिल गरेका घिमिरे विगत १६ बर्ष देखि यस एनएमबि बैंकसँग आबद्ध छन् । बैंकको विभिन्न विभाग तथा शाखाहरू समेतको नेतृत्व गरेका गोविन्द घिमिरे यस अघि बैंकको नायव प्रमुख कार्यकारी अधिकृत थिए ।
यस्तै, बैंकले सुदेश उपाध्यायलाई सिनियर डीसीईओमा बढुवा गरेको छ । यसअघि नायब प्रमुख कार्यकारी अधिकृत रहेका उपाध्याय सिनियर डीसीईओमा बढुवा भएका हुन् ।
