काठमाडौँ । कालीमाटी फलफूल तथा तरकारी बजार विकास समितिमा बिक्रीका लागि राखिएको तितेकरेलामा अत्यधिक विषादी भेटिएको छ ।
चितवनबाट बिक्रीका लागि ल्याइएको तितेकरेलामा ७५ प्रतिशत मात्रामा अगार्नोफस्फेट नामक विषादी पाइएको समितिले जनाएको छ ।
समितिका अनुसार आइतबार कालीमाटी तरकारी बजारमा बिक्रीका लागि ल्याइएका १७ तरकारीको विषादी परीक्षण गरिएको थियो । त्यसमध्ये तितेकरेला उक्त विषादीको मात्रा बढी भएको पाइएको हो ।
बजारमा कार्वामेट र अर्गानोफस्फेट समूह कीटनाशक विषादीको मात्र परीक्षण गरिँदै आएको छ । यस्तो प्रकारको विषादी ३५ प्रतिशतभन्दा कम उपभोग योग्य, ३५ देखि ४५ प्रतिशतसम्म केही दिन राखेर खान मिल्ने र ४५ प्रतिशतभन्दा बढी खान अयोग्य मानिन्छ ।
