जेठ महिनाका लागि १४ बैंकको ब्याजदर स्थिर हुँदा ६ बैंकको घटबढ ,कुनको कति ?

काठमाडौँ । वाणिज्य बैंकहरूले जेठ महिनाका लागि नयाँ ब्याजदर प्रकाशित गरेका छन् । प्रकाशित ब्याजदर अनुसार वैशाखको तुलनामा औसतमा जेठ महिनाको लागि मुद्दती निक्षेपको ब्याजदर सामान्य घटेको छ ।

वाणिज्य बैंकहरूले औसतमा व्यक्तिगततर्फ मुद्दती निक्षेपको ब्याजदर जेठका लागि ५.९४ प्रतिशत कायम भएको छ। वैशाखमा औसत ब्याजदर ५.९८ प्रतिशत रहेको छ। औसतमा हेर्दा २० बैंकहरुको ब्याजदर ०.०४ विन्दुले घटेको हो ।

वैशाख महिनाको तुलनामा ३ बैंकको ब्याजदर घटेको छ भने १४ बैंकहरुले वैशाखकै ब्याजदरलाई जेठमा पनि निरन्तरता दिएका छन् भने बाकी रहेका ३ बैंकहरुले ब्याजदर बढाएका छन् । पछिल्ला महिनाहरूमा बैंकहरुले लगातार ब्याजदर घटाइरहेका छन् ।

बैंकहरुबाट कर्जा प्रवाह हुन सकेको छैन । प्रणालीमा अधिक तरलता अवस्था छ । ब्याजदर घटाउँदै जाँदा अब बेस रेट पनि घट्दै जानेछ । यसले कर्जाको ब्याजदर पनि थप घट्ने देखिन्छ।