काठमाडौँ। राष्ट्रिय वाणिज्य बैंक लिमिटेडको २० औँ वार्षिक साधारण सभा सम्पन्न भएको छ । बैंकका अध्यक्ष देव कुमार ढकालको अध्यक्षतामा दरबारमार्गस्थित राष्ट्रिय वाणिज्य बैंक लिमिटेडको सभाहलमा कार्यक्रम सम्पन्न भएको हो ।
सभाले लेखा परीक्षण प्रतिवेदन सहितको २०८२ आसाढ मसान्तको वित्तीय स्थितिको विवरण, आव २०८१/२०८२ को नाफा तथा नोक्सान विवरण, नगद प्रवाह विवरण तथा सेयरधनी कोष परिवर्तनको विवरण लगायतका वित्तीय विवरणहरु पारित गरेको छ ।
साथै सभाले चालु आव २०८२/८३ का लागि बाह्य लेखा परीक्षक नियुक्त गर्ने तथा पारिश्रमिक निर्धारण गर्ने प्रस्ताव पनि पारित गरेको छ।
भिडियोमा हेर्नुहोस्
