काठमाडौ। पछिल्लो समय नेपालका हिमाल आरोहणका लागि अनुमति लिने पर्यटकको संख्या दिनप्रतिदिन बढ्न थालेको पर्यटन विभागले जनाएको छ।
विभागले दिएको जानकारी अनुसार मार्च १ देखि अप्रिल १ सम्म हिमाल आरोहणका लागि १७१ जनाले अनुमति लिएका छन्। अनुमति लिनेमध्ये सबैभन्दा धेरै सगरमाथा उक्लिन चाहने रहेको विभागले बताएको छ। सगरमाथा आरोहणका लागि १ महिनामा ८६जना जनाले अनुमति लिएका छन्।
त्यसमध्येमा ७० जना पुरुष र १६जना महिला रहेका छन् । भने संख्याको आधारमा दोस्रो स्थानमा अन्नपूर्ण आरोहण गर्न चाहने २५ जनाले अनुमति लिएका छन्, जसमध्येमा तीन टीम मध्येमा १४ जना पुरुष र ११ जना महिला रहेका छन् ।
त्यसैगरी क्रमशः आमादब्लम उक्लिन २३, धवलागिरिका लागि १० , पुथा हिमचुली ७ र कञ्चनजंघा आरोहणका लागि ७ जनाले अनुमति लिएको विभागको तथ्यांकमा उल्लेख छ। १ महिनाको अवधिमा आरोहण अनुमति लिनेहरुबाट १० करोड ५५ लाख राजस्व संकलन भएको छ।
