काठमाण्डौ । नेपाल राष्ट्र बैंकले रु १० का करिब ३४ करोड नयाँ नोट छाप्ने भएको छ ।
३ रुपैयाँ लागत पर्ने गरी चाइनिज कम्पनीलाई रु. १० दरका ३४ करोड नोट छपाईको ठेक्का दिएको केन्द्रिय बैंकले जानकारी दिएको छ । चाइना बैंकनोट प्रिन्टिङ एण्ड मिन्टिङ कर्पोरेसन, चाइनालाई रु १० दरका नेपाली नोट छपाईको जिम्मा दिइएको हो ।
सो कम्पनीले ३४ करोड प्रति रु १० दरका नोट तपाईका लागि ७१ लाख १७ हजार ९३४ अमेरिकी डलर (९५ करोड ३८ लाख रुपैयाँभन्दा बढी) बराबरको प्रस्ताव पेश गरेकोमा केन्द्रीय बैंकले सोही प्रस्ताव स्वीकृत गरेको जनाएको छ ।
