काठमाडौं। सोमबार सेयर बजारमा गिरावट देखिएको छ। आज नेप्से परिसूचक ८.१६ अंकले तल झर्दै २,६६२.९१ अंकमा पुगेको हो।
आज कुल १ करोड ९६ लाख १६ हजार कित्ता सेयर ७ अर्ब ९४ करोड २७ लाख रुपैयाँ बराबरमा कारोबार भएको छ। करिब ८६ कम्पनीको सेयर मूल्य बढे पनि १६३ कम्पनीको मूल्य घटेको छ भने ९ कम्पनीको सेयर मूल्य स्थिर रहेको छ।
यसैबीच, बुद्वभूमि नेपाल, रिलायन्स स्पिनिङ मिल्स र साल्पा विकास बैंकको सेयर मूल्यमा १० प्रतिशतले सर्किट लाग्दा लगानीकर्ताहरूको ध्यान तानेको छ।
