काठमाडौँ। बजार अनुगमनका क्रममा वाणिज्य, आपूर्ति तथा उपभोक्ता संरक्षण विभागले दुईवटा व्यवसायलाई नगद जरिवाना सहित कारबाही गरेको छ।
विभागका अनुसार, काठमाडौँ–३०, मैतीदेवीस्थित श्रेष्ठ खाद्य स्टोरलाई १० हजार रुपैयाँ जरिवाना गरिएको छ। त्यस्तै, टोखा–७ मा रहेको घिमिरे रिजन किनारा स्टोर्स पनि १० हजार रुपैयाँ रकमको जरिवानामा परेको छ।
यसैगरी, ब्लास्ट फेसन कलेक्सनलाई आवश्यक व्यवसाय कागजातसहित तीन दिनभित्र विभागमा उपस्थित हुन निर्देशन दिइएको छ।
अनुगमनको क्रममा विभागले थप १७ वटा व्यवसायलाई सुधारात्मक कदम चाल्न निर्देश जारी गरेको छ।
