काठमाडौँ । प्रतिनिधि सभामा दिइँदै आएको आकस्मिक समयलाई घटाएर अबदेखि दुई मिनेट मात्रै कायम गरिएको छ ।
हालसम्म आकस्मिक समयका लागि तीन मिनेट समय छुटाउने गरिएकोमा सोमबारदेखि एक मिनेट घटाएर दुई मिनेट मात्र कायम गरिएको छ।
सोमबार प्रतिनिधि सभाको बैठकमा सभामुख देवराज घिमिरेले आकस्मिक समयमा बोल्ने सांसदका लागि दुई मिनेट समय निर्धारण गरिएको जानकारी गराएका छन्। दुई मिनेटभित्र भनाई नसकिए स्वचालित रूपमा सांसदको माइक काटिने छ।
