काठमाडौं । एनएलजी इन्सुरेन्सको वार्षिक साधारण सभा आज बस्दैछ । सभा बालुवाटार (काठमाडौँ) स्थित आम्रपाली ब्यांक्वेट, चिरबम सडकमा बिहान ११ बजे सुरु हुनेछ । साधारण सभाले २.५० प्रतिशत बोनस सेयर र कर प्रयोजनको लागि ०.१३ प्रतिशत नगद लाभांश दिने प्रस्ताव पारित गर्नेछ ।
सभामा कम्पनीको आर्थिक वर्ष २०८०/८१ को वार्षिक प्रतिवेदन, नाफा–नोक्सान तथा नगद प्रवाह विषयमा पनि छलफल हुनेछ । आर्थिक वर्ष २०८१/८२ का लागि लेखापरीक्षक नियुक्ति गर्ने र निजको पारिश्रमिक निर्धारण गर्ने अर्को एजेन्डा पनि छ ।
सभा तथा लाभांश वितरण प्रयोजनका लागि कम्पनीले जेठ २२ गते बुक क्लोज गरिसकेको छ । तसर्थ, सभामा भाग लिन जेठ २१ गतेसम्म सेयरधनी कायम हुनुपर्नेछ ।
