काठमाडौं । गुराँस लघुवित्त वित्तीय संस्था लिमिटेडले आफ्नो सेयर रजिष्ट्रार सेवाका लागि आरविवि मर्चेन्ट बैंकिङ लिमिटेडलाई नियुक्त गरेको छ । दुवै संस्थाबीच वैशाख १६ गते यससम्बन्धी सम्झौता सम्पन्न भएको थियो ।
सम्झौताअनुसार आरविवि मर्चेन्ट बैंकिङले वैशाख २६ गतेदेखि गुराँस लघुवित्तको सेयर रजिष्ट्रारको रूपमा कार्य सञ्चालन गर्नेछ । उक्त सम्झौताको अवधि एक वर्षका लागि रहने व्यवस्था गरिएको छ ।
नयाँ जिम्मेवारीअनुसार आरविवि मर्चेन्ट बैंकिङले सेयरधनीहरूको अभिलेख व्यवस्थापन, नामसारी, दाखिल–खारेज, रोक्का तथा अद्यावधिकलगायत सेयर रजिष्ट्रारसँग सम्बन्धित सम्पूर्ण कार्यहरू सञ्चालन गर्नेछ ।
