आर्थिक अनियमितता गर्ने थप एक सहकारी समस्याग्रस्त घोषणा

काठमाडौँ। सरकारले थप एक सहकारी वित्तीय संस्थालाई समस्याग्रस्त सहकारीको रूपमा घोषणा गरेको छ। बचतकर्ताको रकम फिर्ता नगर्ने एक सहकारीलाई आज समस्याग्रस्त सहकारी घोषणा गरेको हो ।

नयाँ बानेश्वर स्थित बुद्ध नगरको सहकारीलाई भूमि व्यवस्था सहरी तथा गरिबी निवारण मन्त्रालयले समस्याग्रस्त घोषणा गरेको हो। लामो समयदेखि बचतकर्ताको रकम फिर्ता नगरेकाले कानुनबमोजिम समस्याग्रस्त घोषणा गरिएको मन्त्रालयले जनाएको छ।

गलत तरिकाले ऋण प्रवाह, आर्थिक अनियमितता र सर्वसाधारणको सेयर र बचतको चरम दुरुपयोगकै कारण यो सहकारी संस्था समस्याग्रस्त बनेका पाइएको हो। सरकारले २१ वटा सहकारीलाई समस्याग्रस्त घोषणा गरेको छ।

समस्याग्रस्त घोषणापछि सहकारीको सम्पत्ति व्यवस्थापन र दायित्व भुक्तानीको लागि समस्याग्रस्त सहकारी व्यवस्थापन समितिमा पठाइसकेको समेत मन्त्रालयले जानकारी दिएको छ ।

यस अगाडि समस्याग्रस्त रहेको सहकारीको विवरण हेर्नुहोस्