काठमाडौँ । चालु आर्थिक वर्ष २०८१/८२ को दुई महिनामा नेपाल राष्ट्र बैंकले ६६ खर्ब भन्दा बढी तरलता प्रशोचन गरेको छ। केन्द्रीय बैंकले निक्षेप संकलन उपकरण र स्थायी निक्षेप सुविधामार्फत ६६ खर्ब ९५ खर्ब १५ करोड रुपैयाँ तरलता प्रशोचन गरेको तथ्यांकमा उल्लेख छ ।
बैंकले निक्षेप संकलन बोलकबोलमार्फत ४ खर्ब २४ अर्ब ७५ करोड रुपैयाँ र स्थायी निक्षेप सुविधामार्फत ६२ खर्ब ७० अर्ब ४० करोड रुपैयाँ गरी कुल ६६ खर्ब ९५ अर्ब १५ करोड तरलता प्रशोचन गरेको केन्द्रीय बैंकले जनाएको छ ।
गत वर्षको सोही अवधिमा बैंकले ओभरनाइट तरलता सुविधा र स्थायी तरलता सुविधा लगायतका उपकरणहरूमार्फत खुद ३ खर्ब ६२ अर्ब ३६ करोड तरलता प्रवाह गरेको थियो ।
समीक्षा अवधिमा बैंकले विदेशी विनिमय बजार (वाणिज्य बैंकहरु) बाट अमेरिकी डलर ८३ करोड ४७ लाख खुद खरिद गरी १ खर्ब ११ अर्ब ९७ करोड रुपैयाँ तरलता प्रवाह गरेको छ ।
