अमेरिकी डलरको भाउमा गिरावट, अन्य देशको कति ? (सूचिसहित)

काठमाडौँ । निरन्तर उचाइ कायम गरेको अमेरिकी डलरको भाउ आज केही घटेको छ। नेपाल राष्ट्र बैंकका अनुसार आज माघ ३ गते बिहीबार १ अमेरिकी डलरको भाउ (बिक्रीदर) १३८ रुपैयाँ ४९ पैसा कायम भएको छ । यस्तै, खरिददर १३७ रुपैयाँ ८९ पैसा छ।

यसअघि बुधवार १ अमेरिकी डलरको भाउ (बिक्रीदर) १३८ रुपैयाँ ९२ पैसा र खरिददर १३८ रुपैयाँ ३२ पैसा पुगेर रेकर्ड कायम गरेको थियो। त्यस्तै, १ युरोको बिक्रीदर १४२ रुपैयाँ ७४ पैसा रहेको छ भने खरिददर १४२ रुपैयाँ १२ पैसा रहेको छ। बेलायती पाउन्ड १ को बिक्रीदर १६९ रुपैयाँ ३४ पैसा र खरिद दर १६८ रुपैयाँ ६० पैसा रहेको राष्ट्र बैंकले जनाएको छ ।

बिहीबार अष्ट्रेलियन डलर १ को खरिददर आज ८५ रुपैयाँ ५६ पैसा र बिक्रीदर ८५ रुपैयाँ ९३ पैसा तोकिएको छ । क्यानेडियन डलर १ को खरिददर भने ९६ रुपैयाँ १४ पैसा र बिक्रीमा ९६ रुपैयाँ ५६ पैसा रहेको राष्ट्र बैंकले जनाएको छ ।