काठमाडौँ – गरिमा म्युचुअल फण्ड अन्तर्गत पहिलो खुलामुखी योजना ‘गरिमा सुवर्ण योजना’ नेपाल धितोपत्र बोर्डबाट स्वीकृत भई सार्वजनिक रूपमा निष्काशन हुने भएको छ।
योजना गरिमा विकास बैंक लिमिटेड कोष प्रवद्र्वक र गरिमा क्यापिटल लिमिटेड योजना व्यवस्थापक रहने गरी रु. १ अर्ब बराबरको यस योजना नेपालकै पहिलो खुलामुखी सार्वजनिक निष्काशन योजना हो।
प्रारम्भिक रुपमा रु ५० करोड बराबरको ५ करोड इकाई, प्रति इकाई रु १० को दरले बिक्रीको लागि सार्वजनिक निष्काशन गरिनेछ। इच्छुक लगानीकर्ताले न्यूनतम १०० इकाईदेखि अधिकतम ५० लाख इकाईसम्म आवेदन दिन सक्नेछन्।
यसअघि रु १ अर्ब २५ करोड बराबरको बन्दमुखी सामूहिक लगानी कोष योजना ‘गरिमा समृद्धि योजना’ सफलतापूर्वक सञ्चालनमा रहेको छ। विशेषज्ञहरूका अनुसार नयाँ खुलामुखी योजनाले लगानीकर्तालाई सार्वजनिक रूपमा सहज पहुँच र पारदर्शिता प्रदान गर्नेछ।
