काठमाडौँ। नेपाली बजारमा आज सुनको भाउ उल्लेख्य रूपमा घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ७ हजार ८०० रुपैयाँले ओरालो लागेको हो। यससँगै सुनको नयाँ मूल्य प्रतितोला २ लाख ९४ हजार ५०० रुपैयाँ निर्धारण गरिएको छ।
यसअघि अघिल्लो कारोबार दिन सुन प्रतितोला ३ लाख २ हजार ३०० रुपैयाँमा कारोबार भएको थियो।
यस्तै, चाँदीको मूल्यमा पनि गिरावट देखिएको छ। आज चाँदी प्रतितोला ११५ रुपैयाँले सस्तो भई ४ हजार ८९५ रुपैयाँ कायम भएको महासंघले जनाएको छ। अघिल्लो दिन चाँदीको मूल्य प्रतितोला ५ हजार १० रुपैयाँ रहेको थियो।
